Velferðarnet Suðurnesja – sterk framlína er yfirheiti verkefnisins þar sem sterk framlína og færniuppbygging íbúa eru tvær meginstoðir verkefnisins.

Nýsköpun og sjálfbærni og samþætting þjónustuþátta eru stuðningsstoðir sem vinna þvert á meginstoðirnar þar sem þær snerta á öllum aðgerðum verkefnisins.

Aðgerðir nýsköpunaráætlunarinnar í heild vinnur með beinum hætti að nýsköpun í velferðarþjónustu Suðurnesja, bæði með þeim aðgerðum sem hér eru settar fram og því sem mögulegt verður að gera í framhaldinu.

​

Í nýsköpunaráætlun þessari eru settar fram sjö aðgerðir sem snúa allar að því að styrkja velferðarnet Suðurnesja með sterkri sameiginlegri framlínu og skýrum verkferlum á milli faggreina og stofnana. Velferðarnet vísar til þess að opinberar stofnanir og sveitarfélög vinna í nánu tengslaneti að velferð íbúa í góðri samvinnu og mynda net sem grípur íbúa og stuðlar að auknum lífsgæðum, vellíðan og sterkri samfélagsheild. Aðgerðirnar eru annars vegar skilgreindar undir meginstoðina sterk framlína og hins vegar undir færniuppbyggingu íbúa. Allar vinna þær að nýsköpun og sjálfbærni í velferðarþjónustu Suðurnesja sem og þverfaglegri samþættingu þjónustuþátta þvert á stofnanir og sveitarfélög.

​

Aðgerðirnar sjö eru eftirfarandi:

A. Sterk framlína

• A.1. Þjónustuferlagreining

• A.2. Stafrænir gagnaflutningar milli stofnana

• A.3. Skilvirk upplýsingagjöf um opinbera þjónustu við íbúa Suðurnesja

• A.4. Fræðsla og þjálfun starfsfólks í opinberum störfum á Suðurnesjum

B. Færniuppbygging íbúa

• B.1. Þjónustutrygging fyrir íbúa

• B.2. Félagsleg virkni íbúa og sjálfbærni samfélags

• B.3. Samræmd móttökuþjónustu fyrir nýja íbúa á Suðurnesjum

​

Undir Aðgerðir nýsköpunaráætlunar má lesa nánar um hverja aðgerð fyrir sig.